Pantai Muara!

Hello, apa abar nya?

Kadiaku ani taisliur kan menulis dlm bahasa melayu ah, yatah ni. Bah enjoy tia cerita ku ani.

Tadi pagi aku bangun ani bah..eh balik2 jua eh. Yatabah miani kisah ku ani nyamu. Pagi atu kan aku paksatah awal bangun, di malam lagi ku akhir tidur tu eh..becali bnar.
Yatahkan pagi2 buta atu tah ku terpaksa menungkat mata. Lapas atu membuka facebook tah ku pagi2 ah, chat jua ku ngan cousin ku. Lapas atu kan ada tia amah kami ani mengarik dari bawah, membariwatir lagi usulnya mengarik ani, nya urang nya 'Bagai ayam bwrtelur sebiji, riuh sekampung'. Aku ani gagas tah ku jua turun ingatkan tah apa. Rupanya amit sama babu ani sampai tia sudah kan mengangkut kami ani ke pantai, Perjalanan kami untuk ke pantai Muara pun diteruskan.

Setelah tiba di pantai, kami pun mula mengeluarkan naindah2an kami ani, kunun2 nya aku ani kana suruh mencari tampat tah ni, dui malai nda jua belurih eh..berabut bah, jangantah usulnya sunyi atu tapi ramai jua urang. Baik jua bisperanakan babu ku ani awal sudah datang ampit jua punduk. Abis durang ani masih di arah tampat paking ni kan mengangkat makanan. Sudah kami selesai, setel sudah. Mula tah kami ani kan menyalai2. Kami mandi pulang di laut, nda pulang kami menyalai. Lapas batah berandam di pantai, naik tah kami. Makan time!! otw kan kesana, nampak tah ku laki2 ani. Nyangku mcm kenal sja. Sekali sudah ampir baru tah ku kilala rupanya Bungsu anak-beranak makan. Setelah selesai menikmati jamuan yang telah disediakan, kami pun terus bermain, berlari, tertawa..eseh!

Lapas batah bejamur di bawah sinaran matahari yang terik..hehe aku pun naik tah, dlm pkul 3 kali. Minum ku bhapa dulu, lapas atu mandi..skalinya siap ku mandi ah, beceramin tah ni kadiaku ani. Sekalinya ku liat muha ku ani. Ya'rabbi!! nauzubillah bah hitam nya ah..Bakulaaat!!. Padahal beurapi sudah sunblock nda jua behasil, kan betukup, nda jua ada kan dipakai menukup muka ani.Hayya, hantam sajalah. Lapas ku siap kana suruh makan lagi kan, aku ON eh. Dahtu babu ku ani becerita taya pasal urg menapau ani. Ingatahku satu kisah ani..hehe nanti tah ku menceritakan. Sekali bepanyap tia kami ani, kan balik lah kununya ni. Ada tia Mr Softy..eh Mr Softy bah trak eskrem yang belagu2 ah..yatabah, ada tia menjangul batang idungnya. Singgah tia lagi cousin ku ani. Lapas atu batah tah kami lagi makan eskrem duduk2. ramai2 lagi tu eh! kiut.

Dahtu sudah di kerita otw balik atu. Ampar bah bilang urang kengalihan, banar jua tu dari pagi. Sudah sampai ke rumah aku mandi lagi ku sekali, rakat bah badan ah. Yatah kisah ku tu!

Di kesempatan ini saya, Md Mahyuddin ingin mengucapkan ribuan terima kasih kerana sudi membaca ceritaku yang serba kekurangan berbanding cerita tuan/puan pembaca sekalian.

-mahyuddin